Meira um þarma-flóru

Skrifað um January 29, 2013 · in Almennt

Fyrir um sex miljón árum áttu menn og simpasar sér sameiginlegan forföður.

Fyrir um sex miljónum árum áttu menn og simpasar sér sameiginlegan forföður.

Í pistlinum Þarmaskolun (detox) og saurgjafir var sagt frá því, að tekizt hafði að greina á milli þriggja megingerða af þarma-gerlum í mönnum. Þar mátti greina á milli þriggja vistgerða: Bacteroides, Prevotella og Ruminococcus.

Nú hafa sex bandarískir fræðimenn fundið svipaðar þarma-vistgerðir (enterotypes) í simpönsum, sem lifa villtir í þjóðgarðinum Gombe Stream í Tanzaníu.
Af þessu má draga þá ályktun, að þarma-flóran hafi verið búin að taka á sig endanlega mynd í sameiginlegum forföður manna og simpansa fyrir um 6 miljón árum, þegar leiðir skildi. – Nú einbeita menn sér að því að rannsaka, hvaða þýðingu þessar þarma-vistgerðir hafa í raun og veru fyrir heilsu fólks.

Frá þessu er greint í vísindaritinu Nature Communications. Hér má nálgast PMC-útgáfu greinarinnar (http://www.ncbi.nlm.nih.gov/pmc/articles/PMC3520023/).

ÁHB / 29.1. 2013

P.s. Kynnið ykkur, hvað PMC-útgáfa merkir.

 



Leave a Reply

:: Ágúst H. Bjarnason