Önnur vísnagáta og lausn á hinni fyrri

Skrifað um January 29, 2013 · in Almennt

 Enginn sendi inn lausn á vísnagátunni á dögunum. Lausnarorðið var: renna (no. og so.)

Jafnan er á húsum hám; [(þak-)renna]
holdugir þess óska. [renna, leggja af]
Hlaupararnir tipla‘ á tám; [renna, hlaupa]
tvístrast á svelli ljóska. [rennur, verður gliðsa]

Þá kemur hér önnur. Lausnarorðið er sagnorð, lýsingarorð eða nafnorð.

Vera á þessum viði‘ er gott;
verður oft með hvelli.
Hljóta slíkir háð og spott;
helzt það prýðir velli.

Fleiri verða gáturnar ekki í bráð.

Næsti pistill fjallar um grundvallargerð köngla.

ÁHB / 29.1. 2013
 

 

Leitarorð:


Leave a Reply

:: Ágúst H. Bjarnason