Gerlar sem grenna

Skrifað um May 16, 2013 · in Almennt · 2 Comments


Á ahb.is hefur áður verið fjallað um bakteríur (gerla) í þörmum (sjá til dæmis hér og einnig hér.
Hin síðari ár hefur mönnum orðið æ betur ljóst en áður, að bakteríur hafa mun meiri áhrif á starfsemi líkamans en menn héldu.
Nýverið var greint frá því, að ofurþungar mýs, sem voru mataðar á sérstakri þarma-bakteríu, léttust umtalsvert. Nú binda menn vonir við, að svipað gildi um menn og þá er unnt að hafa áhrif á fólk, sem þjáist af offitu og sykursýki-2.
Reyndar hefur þessu ekki enn verið beitt á menn og ekki vitað um gagnsemina, en engu að síður eru vísbendingarnar margar.

Margsinnis hefur verið staðfest, að þarmaflóran hefur áhrif á heilsufar manna. Baktería sú, sem mýsnar fengu heitir Akkermansia muciniphila. Vitað er, að hún lifir eðlilega í slímu (slímhimnu) í maga á mönnum. Þá hefur það verið staðfest, að verulega dregur úr vexti hennar, þegar menn fitna. Mýsnar, sem fengu þessa bakteríu, misstu helming af umframfitu án þess að fara á sérstakt fæði. Að auki komst betra jafnvægi á insúlínframleiðsluna í brisinu.

Benda má á, að allar þær töflur, sem seldar eru í búðum og eru sagðar  brenna fitu, hafa ekki reynzt standa undir nafni. En hver veit nema þeir tímar komi, að unnt verði að framleiða slíkar töflur.

Nánar um þetta má lesa hér:

a) sjá grein I

b) sjá grein II

ÁHB / 16. maí 2013


2 Responses to “Gerlar sem grenna”
  1. Jens Tollefsen says:

    Sæll Ágúst

    Gaman að lesa.
    Og áhugaverð link til nanopatentsandinnovations.
    Vonanði hafið þið það gott fyrir norðan.
    Bestu kveðjur,
    Jens

Leave a Reply

:: Ágúst H. Bjarnason